RECORDING TRANSCRIPT Level 3 Sāmoan (91563), 2014

Level 3 Sāmoan (91563) 2014 – Recording Transcript – Page 2 of 6

ENGINEER TRACK 1

READER 2 Audibility Check. Please listen carefully to this introduction. This exam is Level 3 Samoan for 2014. Please raise your hand if you heard that statement. The Supervisor will now pause the recording to check that everyone has heard this introduction. ENGINEER PAUSE 5 SECONDS ENGINEER TRACK 2

READER 2 Listen to three passages. You will hear each passage three times, with a pause after each. As you listen, you may make notes in the listening notes boxes provided. Before each passage begins, you will have 30 seconds per question to preview the questions. At the end of each passage, you will have a few minutes to review your answers.

Open your booklet to page 2.

READER 1 First Passage

Fa’atāuaina o le Tatau

Listen to ‘Fa’atāuaina o le Tatau’. Question One is based on this passage. Answer the question in your choice of English or Sāmoan. You now have 30 seconds to read the question.

ENGINEER PAUSE 30 SECONDS

Level 3 Sāmoan (91563) 2014 – Recording Transcript – Page 3 of 6

READER 1 First reading ENGINEER FIRST LISTENING PASSAGE BEGINS

READER 1 O se mitamitaga tele le va’ai atu i nisi o tupulaga talavou na soifua mai i Niu Sila ma atunu’u i fafo, ‘ua matuā fiafia tele e lā’ei i le lā’ei o le atunu’u, o le TATAU. O se mea e tāua iā te a’u lava, o le āfea i so lātou manatu, le fiafia e lā’ei le tatau, ma e sili atu ona lelei lenā i lō le matuā lē mana’o lava o le tamaitiiti e tautala pe fa’atino se aganu’u fa’asāmoa, e pei o le tūlaga ua maua ai nei isi fānau. O nisi ‘ua māe’a ona tatā a lātou tatau, ‘ātonu e manana’o iai ona o mamanu ma teuteuga matagōfie o le pe’a, ‘ae le o āno tele i le tofi ma le ‘anava e ō fa’atasi ma le lā’eiina o le tatau. O lā lava e mānaia iā i lātou le tilotilo i mamanu fa’asāmoa, e āta mānaia mai i o lātou tino. ‘Ae i le fa’asāmoa, o le soga’imiti po o le tama ua tā le pe’a, o le tagata lea ua matuā sāuni e gāoioi ma fai fe’au i le fale o matai, ‘aemaise lava o le fa’asoaina ma le tautūina o le alofi, o le taufale ma le taufafo, ma le fesoasoani mālosi i le lufilufiina o taumafa. O le tatau lā i se isi itū, o le fa’ailoga va’aia lea ‘ua matuā sāuni se taule’ale’a e fa’atino le aganu’u i le vā i totonu ma le vā i fafo o le fa’asāmoa, i fa’alavelave fai o ‘āiga ma alalafaga. O se mea matuā mata’ina se taule’ale’a i le silasila ma le fa’afofoga a le atunu’u ‘ae ‘pese’ mai i le tufa’ava, po o le tūla’i mai ma le lā’ei e tautū le alofi, pe fa’amanusina fo’i fa’aaloaloga i fafo ma fale. E agava’a i le fifiina o le taufolo, fa’amalepeina o le mea tuā’olō, ma le sauniga o taumafa ‘ese’ese fa’asāmoa. O le ‘autū lava o gaioiga a le soga’imiti ia, o lo’o maua i ‘upu ua gagana ai nei tagata Sāmoa, ‘O le ala i le pule o le tautua.’ ENGINEER FIRST LISTENING PASSAGE ENDS ENGINEER PAUSE 10 SECONDS ENGINEER TRACK 3

READER 1 Second and third readings, with pauses Question One. Second reading ENGINEER REPEAT FIRST LISTENING PASSAGE, PAUSE 20 SECONDS

READER 1 Third reading ENGINEER REPEAT FIRST LISTENING PASSAGE, PAUSE 5 SECONDS

READER 1 You now have two minutes to review your Listening Notes and your answers. ENGINEER PAUSE 120 SECONDS

Level 3 Sāmoan (91563) 2014 – Recording Transcript – Page 4 of 6

ENGINEER TRACK 4

READER 2 Second passage

Tautua a Sāmoa



Listen to ‘Tautua a Sāmoa'. Question Two is based on this passage. Answer the question in your choice of English or Samoan. You now have 30 seconds to read the question.

ENGINEER PAUSE 30 SECONDS

READER 2 First reading ENGINEER SECOND LISTENING PASSAGE BEGINS

READER 2 E tele tautua a Sāmoa e māsani ona fa’atino i aso anamua se’ia o’o mai lava i aso nei ma iēluā. O le tautua matavela, o le tautua lea e fa’atino e ala i le velasia o fōliga ma le tino, ‘ona o le kukaina po o le fa’avelaina o taumafa ‘auā le taliga o le sua a mātua po o le sa’o o le ‘āiga. O le tautua tuāvae, o le tautua lea e fa’atino e ala i le femo’ea’i fa’a’au’auna. E tapa atu i tua le matai o le ‘āiga po o mātua i se mea e mana’o ai, ‘ae o nofo mai e sāuni e fa’atino fe’au. O le tautua matalilo, o le tautua lea e lilo i le va’ai, ma e lē gaoiā lona fa’atinoina, ‘ae tēte’i lava mālō ma ē fāi mai, ua vela mai se mea’ai, pe ua māe’a mai se gasesega. O le tautua toto, o le ofoina atu, po o le ‘uma lea o le soifua o se tasi, ‘ona o le leoleoina o ona tagata po o measina a lona ‘āiga. O se fa’ata’ita’iga, o le tautua a le tama i le leoleoina o lona tuafafine. O le tautua gutuā o le tali mai lea i ‘upu ma fa’atino se mea, o lona uiga o le fai tomumu o fe’au. O le tautua pa’ō, o le pa’ō pe pisa ‘ae o fa’atino mea o lo’o fa’atonu atu e fai. E manino lava i le va’ai a tagata, e ala ona pa’ō ona o le lē fiafia. O le ā lā le tautua o lo’o fa’atino nei e ō tātou ‘āiga, ‘aemaise ai o tupulaga Sāmoa i Niu Sila? Ua ‘uma aso o le fa’aifo o le vao, pe fa’aa’e le gātaifale e pei ona māsani ai o tātou tua’ā i le ō i le ma’umaga pe fai faiva i le vasa. ‘Ae o le tātou tautua ua fai nei, o le tātou faigaluega ma lafo tupe i Sāmoa e fa’atino ai e ‘āiga fa’alavelave e fai. I se isi fa’a’upuga, ua tatou ‘ai tau malele atu i atunu’u i fafo. E pei o ‘upu a le tasi toea’ina o le mātou ‘aulotu, ‘Ou te fa’afetai lava a’u i si a’u fānau ‘auā e ui lava na soifua a’e i Niu Sila nei tamaiti, ‘ae o lo’o usita’i mai lava, ma tau’ave le lātou pito lā’au o le fai o le fatu’āiga e fa’aea ai si o mātou ‘āiga matitiva i Sāmoa. E moni lava ‘upu o le gagana, ‘O fānau o ū fanafana i lima o le toa, e fana mamao ‘auā lumana’i o ‘āiga.’ ENGINEER SECOND LISTENING PASSAGE ENDS ENGINEER PAUSE 10 SECONDS

Level 3 Sāmoan (91563) 2014 – Recording Transcript – Page 5 of 6

ENGINEER TRACK 5

READER 2 Second and third readings, with pauses Question Two. Second reading ENGINEER REPEAT SECOND LISTENING PASSAGE , PAUSE 20 SECONDS

READER 2 Third reading ENGINEER REPEAT SECOND LISTENING PASSAGE , PAUSE 5 SECONDS

READER 2 You now have two minutes to review your Listening Notes and your answers. ENGINEER PAUSE 120 SECONDS ENGINEER TRACK 6

READER 1 Third passage

O le fa’aperetānia po o le fa’asāmoa?



Listen to ‘O le fa’aperetānia po o le fa’asāmoa?’ Question Three and Question Four are based on this passage. Answer the questions in your choice of English or Sāmoan. You now have one minute to read the questions.

ENGINEER PAUSE 60 SECONDS

READER 1 First reading ENGINEER THIRD LISTENING PASSAGE BEGINS

READER 1 O fea ‘ea le ‘auala e tatau ona ui ai lo tātou ōlaga i Niu Sila? O le fa’aperetānia ‘ea po o le fa’asāmoa? Ua manatu nisi, e lelei le fa’aperetānia. E lelei lava ona ta’a’alo i tūlāfono o le malae. ‘Āfai ua tātou soifua i Niu Sila nei, ia sōiaia le toe ‘a’apa fua i mea fa’asāmoa, ma le ponatia o le alualu i luma o le tamāo’āiga fa’aletagata lava ia, ‘auā o le aganu’u fa’asāmoa a lafalafa tuna, o le ala o le mativa. O le fa’ata’ita’iga e fa’apea, e lelei lava le tausi na o si ota ‘ita to’alua, ma si ata ‘ita fānau, ‘ae tu’u ia le lalolagi o le mau tagata o ‘āiga ua tumu i le fia ola. Fai mai e ala ona mativa o le fa’asāmoa. ‘Ae talitonu fo’i nisi e leai, e lelei le fa’asāmoa. O Sāmoa e mativa fesāga’i. Po o le ā lava lou mativa, o lo’o iai lou ‘āiga e tūla’i mai mō ‘oe i aso vale. O le ‘upu fo’i fa’asāmoa, ‘E āu i le tau ola e āu fo’i i le fāgota. O le tagata fo’i ma lona ‘āiga, o le tagata ma lona fa’asinomaga’, ‘auā ta te tua lava i nai o ta ‘āiga. E lelei lava le ola i le fa’asāmoa ‘auā o tātou o Sāmoa e lē o tātou o ni papālagi.

Level 3 Sāmoan (91563) 2014 – Recording Transcript – Page 6 of 6

ENGINEER THIRD LISTENING PASSAGE – SECTION B

READER 1 ‘Ae ‘ou te talitonu a’u, e lelei le tausisi ‘uma vāega e lua. Ia ‘apo’apo mai le gagana ma fa’atino tū ma aganu’u fa’asāmoa, ‘ae ‘aua ne’i galo e iai fo’i lo tātou sao tāua i Aotearoa, o le feso’ota’i atu lea i isi gagana ma aganu’u, e ala i le tautuaina o le mālō Niu Sila. ‘Ou te talitonu o le Sāmoa e aupito i sili ona aogā i Niu Sila, o lē e aogā mo ona tiute fa’atagata Sāmoa, toe aogā i lona tofi fa’atagatānu’u o Niu Sila. A ulufale lea tagata i le mea e iai Sāmoa, e matuā mālamalama lelei i le gagana ma le aganu’u o lo’o fa’atino. A ulufale fo’i i fa’alāpotopotoga o lo’o feanumi ma fefiloi ai ma ali’i papālagi, o le mea lava e tasi. E taufai tutusa lava lona lelei i le poto māsani, ma māfaufauga fa’aalia. E moni ai le ‘upu a le tamā o lo’u tinā pe ‘ā mā ō e va’ai le foma’i. Fai mai, ‘Poufā, sau tā ō, ‘o ‘oe e te tali i le tamāloa pālagi leaga ‘ou te lē iloa nanu. Tālofa e i si o’u atali’i, o le mea lenā na fa’aa’oga ai ‘oe.’ E matuā moni lava le ‘upu a si toea’ina. ENGINEER THIRD LISTENING PASSAGE ENDS ENGINEER PAUSE 10 SECONDS ENGINEER TRACK 7

READER 1 Second and third readings, with pauses Question Three and Question Four. Section A. ENGINEER REPEAT THIRD LISTENING PASSAGE SECTION A, PAUSE 20 SECONDS

READER 1 Section A again ENGINEER REPEAT THIRD LISTENING PASSAGE SECTION A, PAUSE 20 SECONDS

READER 1 Section B ENGINEER REPEAT THIRD LISTENING PASSAGE SECTION B, PAUSE 20 SECONDS

READER 1 Section B again ENGINEER REPEAT THIRD LISTENING PASSAGE SECTION B, PAUSE 5 SECONDS

READER 1 This is the end of the Listening Passages.